konkurs na fotoreportaż, film i fotokast

Festiwal Zabawy

61
Autor: ppatryk

Kiej fatry byli na szychcie, a elwry jeszcze legały, to w Bytomiu na plac wylazły same dziołszki i synki. Na wszystkich bajtli czekało kupa roztomajtych graczków i zabaw, dyć przeca był tedy Festiwal Zabawy. Jedni szpilali w bala, inne pierony zaś sztrajchowały mury, kartony aji gymby. Kiej matki wołały na łobiod, to żodyn z bajtli niy chcioł przyjś na zot do dom, tyla było frajdy.
Był tyż na placu cołki stary gizd co se śpiywoł pod nosym „Gryfne bajtle wylazły ze budy, zakurziyły cigarety, wyciepały flaszki…”, ale zaroz go tam jako frela klupła w glaca i mu nagodała, że to niy takie bajtle dzisiyj tu som! Po cołkim dniu, jak już sie tak wszyscy wyłonaczyli to mogli se dychnyć i łodstać w raji po bombony.